Жамбыл обаға қарсы күрес станциясының 2025 жылғы жылдық  жоспарына сәйкес, Қазақстан Республикасы Денсаулық сақтау министрлігінің санитариялық-эпидемиологиялық бақылау комитеті Жамбыл облысының санитариялық-эпидемиологиялық бақылау департаменті, Жамбыл облысы әкімдігінің денсаулық сақтау басқармасының, Қазақстан Республикасы Денсаулық сақтау министрлігінің санитариялық-эпидемиологиялық бақылау комитеті Жамбыл облысының «Ұлттық сараптама орталығы» ШЖҚ РМК, Қазақстан Республикасының Денсаулық сақтау министрлігі Санитариялық-эпидемиологиялық бақылау комитетінің  Жамбыл обаға қарсы күрес станциясының 2025 жылғы «07» наурыздағы №50/184-Ө/163 біріккен бұйрығы негізінде, 2025 жылдың 11 наурызы  — 11 сәуір аралығында денсаулық сақтау объектілерінде «Инфекциялық аурулардың (обаның, тырысқақтың) алдын алу бойынша санитариялық-эпидемияға қарсы іс-шараларды ұйымдастыруға мақсатында,   семинар ұйымдастырып өткізілуде.

Семинарға  денсаулық сақтау объектілерінің бас дәрігерлері, дәрігерлер мен  дәрігер — эпидемиолог мамандар,  орта буынды медициналық қызметкерлер мен  басқа да қызметкерлер қатысты.

Жамбыл обаға қарсы күрес станциясының қызметкерлері: «Оба, тырысқақ ауруларының алдын алу», «Биологиялық қауіпсіздік»,  «Қауіпті бактериялық, вирустық, контагиозды инфекциялармен ауыратын науқастардан материалды алу, буып-түю  және тасымалдау  ережелері» тақырыптары бойынша  баяндамалар жасалды.

Семинарға денсаулық сақтау объектілерінің бас дәрігерлері, эпидемиологиялық сұрақтар бойынша дәрігер орынбасарлары мен  дәрігер – эпидемиологтар сөз сөйлеп, халықтың санитариялық- эпидемиологиялық саламаттылығын қамтамасыз ету мақсатында, Оба тырысқақ ауруларының өзектілігін,  инфекциялық аурулардың алдын алу бойынша санитариялық –эпидемияға қарсы  профилактикалық іс шараларды  ұйымдастыру мен өткізудің маңыздылығын атап өтті.

Семинар барысында медициналық мекемелердің қызметкерлеріне
І типтегі обаға қарсы қолданылатын костюмдерді қолдану, обаға қарсы қорғаныш киімін киіп-шешу тәртібі бойынша нұсқаулықтармен таныстырылып, жаттығу сабақтары өткізілді және медициналық қызметкерлерге консультативтік-әдістемелік көмек көрсетілді. Аса қауіпті инфекциялардың алдын алу бойынша дәріс өткізілді, оба, тырысқақ ауруына күдікті науқас тіркелген кезде, науқастардан сынамалар алу және тасымалдау тәртібі бойынша нұсқаулық өткізілді.

Медициналық мекемелердің қызметкерлеріне семинар, нұсқау, жаттығу сабақтарын және кеңес –әдістемелік көмек көрсету бойынша іс шаралар жүргізу  жалғасуда.

2025 жылдың 11 – 18 аралығында қамтылған денсаулық сақтау объектілері:

1. Жамбыл облыстық көп бейінді ауруханасы;
2. Жамбыл облыстық жұқпалы аурулар ауруханасы;
3. Жамбыл облыстық тері-венерологиялық диспансері;
4. Жамбыл облыстық көп бейінді балалар ауруханасы;
5. Жамбыл облыстық офтальмологиялық орталығы;
6. Облыстық балалар «Аяла» оңалту орталығы;
7. Жамбыл облыстық психикалық денсаулық орталығы;
8. Жамбыл облыстық көпбейінді онкология және хирургия орталығы;
9. Жамбыл облыстық жұқтырған иммун синдромның алдын алу және онымен күрес жүргізу  орталығы;
10. Жамбыл облыстық медициналық жедел жәрдем станциясы;

2024 жылы қазақстандық екпе күнтізбесіне АПВ-ға қарсы вакцинациясы  енгізіліп, елімізде қыркүйек айынан екпе жұмысы басталды .

АПВ-ға қарсы вакциналар — қазақстандық әйелдерді жатыр мойны обыры мен басқа да онкологиялық аурулардың дамуынан қорғаудың қазіргі және барынша тиімді (тиімділіктің 95%-ға жуығы) тәсілі.

2024 ж желтоқсан айының 20 күніне жалпы елімізде  11,12,13 жастағы  98 107 қыздар АПВ-ға қарсы 1 тур екпесімен  қамтылды, оның ішінде Жамбыл облысы бойынша 8660 қыздар егілді. Екпемен байланысты асқынулар тіркелген жоқ.

Жалпы облыс бойынша 11 жастағы 11471 қыздар АПВ-ға қарсы вакцинациямен қамтуға жоспарлануда.

Облыс бойынша АПВ-ға қарсы вакцинация мектептердегі және медицина мекемелердің 281 екпе пункттарында 2838 арнайы дайындалған медициналық қызметкерлермен атқарылуда.

АПВ-ға қарсы вакцинациясына Гардасил вакцинамен барлық медициналық пункттер толық қамтылған.

АПВ-ға қарсы вакцинация жұмысы жалғасуда.

Жатыр мойны обыры мен басқада қатерлі ісіктердің себебі –  АПВ — адам папиллома вирусы. Бұл — адамның ауыз қуысы мен жыныс мүшелерінің тері жабындары мен шырышты қабықтарын зақымдайтын туыстас вирустардың 200-ден астам түрі. Көп жағдайда бұл инфекция 2-3 жылдан кейін өздігінен кетеді және көбінесе ешқандай симптомсыз адамға байқалмай өтеді. Кейбір жағдайларда, онкогендік АПВ түрлері денеде қалып қойса, бұл әртүрлі ағзаның қатерлі ісігіне әкеледі. Ең алдымен, жатыр мойны обырына әкеледі.

100% жағдайда жатыр мойны обырының туындауына онкогендік АПВ түрлері себеп болады (6, 16, 18, 31, 33, 45, 52 және 58 түрлері).

Қатерлі ісікке дейінгі зақымданулар мен жатыр мойнының қатерлі ісіктердің 70% жағдайда  адам папилломасы вирусының 2 түрі ((HPV): 16, 18) шақырады.

Жатыр мойны обыры ұзақ преинвазивтік кезеңде баяу және ерекше жергілікті өсумен ерекшеленеді, яғни ерте кезеңде тек тұрақты скринингтер арқылы ғана оны анықтауға болады. Қазақстанда мұндай скрининг ПАП-тест (Папаниколау әдісі бойынша жағындыны цитологиялық зерттеу) арқылы жүргізіледі, 30 жастан бастап барлық әйелдерге әр 4 жыл сайын ПАП-тестіден өту ұсынылады. Мұны тіркелген жері бойынша емханада жасауға болады. АПВ-ға қарсы екпе жасау жатыр мойны обырымен күресудің профилактикалық әдісі болу керек және сырқаттанушылық статистикасын азайту қажет.

Онкогендік АПВ түрлері себеп болатын аурулардың арасында ерлер мен әйелдердің жыныс мүшелерінің, тік ішектің, бастың және мойынның обыры да кездеседі.

Негізгі қауіп — АПВ-мен байланысты онкологиялық аурулардың көбіне кеш диагноз қойылатындығы, мысалы, ауыз-жұтқыншақ обырының шамамен 70%-на диагноз кеш қойылады.

 Скринингтік бағдарламалармен бірге АПВ-ға қарсы  екпесі елдердегі жатыр мойны обыры ауруын және жатыр мойны обырынан болатын өлімді айтарлықтай азайтуға көмектеседі.

Сондықтан, АПВ-ға қарсы  екпені қызыңызға жасатуға және уақытылы скрининг тексерілуге  шақырамыз.

    Сіз, ата ана ретінде,  балаңыздың денсаулығына жауапты екеніңізді ұмытпаңыз !

06.12.2024ж. күні Облыстық жұқпалы аурулар ауруханасында «Менингококк инфекциясы бойынша санитарлық-профилактикалық
іс шаралар жүргізу» тақырыбында дәрігерлік кеңес өткізілді. Менингококк инфекциясымен сырқаттанушылықтың алдын алу мақсатында, «Халық денсаулығы және денсаулық сақтау жүйесі туралы» Қазақстан Республикасы Кодексінің 102-бабының  1 және 3-тармақтарына сәйкес, Қазақстан Республикасы денсаулық сақтау министрлігінің 2024 жылғы 12 сәуірдегі бас мемлекеттік санитариялық дәрігерінің №5 Қаулысы негізінде аурухананың бас дәрігері Е.А Сауранбаев: бас дәрігердің емдеу жұмыстары жөніндегі орынбасары  С.К.Нургабыловаға және эпидемиолог дәрігері Б.А.Кенесбаевқа ауруханада менингококк инфекциясымен ауыру (күдік) жағдайларын уақытылы анықтауды, тіркеуді және шұғыл хабарламаларды беруді, медициналық ұйымдардың науқастарды қабылдауға және оларға жедел мамандандырылған көмек көрсетуге дайындығын, сондай-ақ, менингококк инфекциясымен ауыратын науқастармен байланыста болған медицина қызметкерлері күнтізбелік 10 күн бойы медициналық бақылауға алуын тапсырды. Менингококк инфекциясымен ауыратын науқастарды және тасымалдаушылықтарды белсенді анықтау мақсатында назофарингитпен ауыратын науқастарды менингококк инфекциясына тексеруді тасымалдаушылық анықталған кезде олардың санациясын қамтамасыз етуді, аурухананың инфекционист дәрігерлерімен бірлесіп педиатрларға, терапевтерге және жедел медициналық көмек мамандарына менингококк инфекциясының диагностикасы, клиникасы, емдеу, эпидемиологиясы және профилактикасы мәселелері бойынша семинарлар өткізуді, бактериологиялық зертханасының меңгерушісі Б.Т.Сарсенбаеваға менингококк инфекциясымен ауыратын науқастардан сынама зерттеулер жүргізуді және дәрі-дәрмекпен қамтамасыз ету бойынша медбикесі Ж.Ы.Кулибаеваға менингококк инфекциясына күдікті науқастарға медициналық көмек көрсету бойынша дәрілік препараттармен қамтамасыз етуді бұйырды.

25.11.2024ж.- 29.11.2024ж. аралығында Облыстық жұқпалы аурулар ауруханасының қызметкерлері мен жұмыскерлеріне жылдық жоспарына сәйкес, «Терроризмге қарсы күрес» және «Өрт қауіпсіздігі» талаптарына сай білімді тексеру мақсатында емтихан өткізілді. Бір апта аралығындағы емтиханда аурухана қызметкерлері мен жұмыскерлері өздерінің білімдерін анықтады. Олар дайындалған билет сұрақтарына өте сауатты жауаптар берілді, комиссия құрамына емтиханға жоғары деңгейде дайындықтарын көрсетті. Комиссия тарапынан берген жауаптарына сәйкес, «өте жақсы» және «жақсы» деген бағалармен бағаланды.

АПВ-ға қарсы вакцинаны қазақстандық кестеге алғаш енгізу әрекеті 2013 жылы болды.

2024 жылы қазақстандық екпе күнтізбесіне АПВ-ға қарсы вакцинациясы  енгізіліп, қыркүйек айынан екпе жұмысы басталды .

АПВ-ға қарсы вакциналар — қазақстандық әйелдерді жатыр мойны обыры мен басқа да онкологиялық аурулардың дамуынан қорғаудың қазіргі және барынша тиімді (тиімділіктің 95%-ға жуығы) тәсілі.

2024 ж қараша айының 28 күніне жалпы елімізде АПВ-ға қарсы 1 тур екпесімен  60 мыңнан астам 11,12,13 жастағы қыздар қамтылды, оның ішінде Жамбыл облысы бойынша 7254 қыздар егілді. Екпемен байланысты асқынулар тіркелген жоқ.

Жалпы облыс бойынша 11 жастағы 11471 қыздар АПВ-ға қарсы вакцинациямен қамтуға жоспарлануда.

Облыс бойынша АПВ-ға қарсы вакцинация мектептердегі және медицина мекемелердің 281 екпе пункттарында 2838 арнайы дайындалған медициналық қызметкерлермен атқарылуда.

АПВ-ға қарсы вакцинациясына Гардасил вакцинамен барлық медициналық пункттер толық қамтылған.

АПВ-ға қарсы вакцинация жұмысы жалғасуда.

Жатыр мойны обыры —  әлемде әйелдер арасында қатерлі ісіктердің таралуы бойынша 4 орында.

Адам папиллома вирусы негізінен жыныстық қатынас және тұрмыстық қатынас арқылы таралатын өте кең таралған вирус. Кейде вирустың белгілері қатерлі ісікке айналады. Папилломамен күресудің ең жақсы тәсілі-оның алдын алу.

Қазір әлемде жыл сайын 600 мыңнан астам жаңа ЖМО жағдайлары және осы аурудан 340 мың адам қайтыс болады. Әлемде екі минут сайын 1 әйел жатыр мойны обырынан қайтыс болады.

Жатыр мойны обыры (ЖМО) — алдын алуға болатын жалғыз онкологиялық ауру. Қатерлі ісіктің бұл түрінің себебі көп жағдайда жыныстық және тұрмыстық қатынас жолмен берілетін адам папилломавирусы (HPV) болып табылады.

Адам папиллоамасы вирусына қарсы вакцинация әлемде 2006 жылдан бастап жүргізіледі. Қазіргі таңда дүинежүзінің 100 ден астам мемлекетінің ұлттық егу күнтізбесіне енгізілген, оның ішінде Австралия, Бельгия, Канада, Германия, Жапония, Бразилия, Жаңа Зеландия, Норвегия, Швеция, Испания, Швейцария, Ұлыбритания және АҚШ-та қолданылады.

Австралия адам папилломасы вирусына қарсы вакцинасы енгізілген алғашқы елдердің бірі, ол елде жатыр мойны обырының жиілігі шамамен 3 есе төмендеді.

АҚШ елінде папиллома вирусына қарсы вакцинацияны мектептегі вакцинация бағдарламасына енгізе отырып,  ісікке дейінгі жағдайлардың шамамен 90% төмендегенін хабарлады.

Канада елінде вакцинаның әсерін бағалау кезінде, вакцинацияланған 15 – 17 жас топтары арасында қатерлі ісікке дейінгі зақымданулардың  жиілігі 69% төмендеген.

Вакцинациямен 50% — дан астамы қамтылған елдерде әйелдердің адам папилломасы вирусымен зақымдануы 68% төмендеді.

Ұлыбританияда 15 жыл бұрын жасөспірімдерді адам папилломавирусына қарсы вакцинациялау бағдарламасы басталды. Ғалымдар вакцина жатыр мойны обыры мен жасушалардағы қатерлі ісікке дейінгі өзгерістердің алдын алуда тиімді екенін хабарлады. Атап айтқанда, 14-16 жаста вакцинацияланған әйелдерде ісікке дейінгі зақымданулардың қаупі 75% — ға, ал 16-18 жаста вакцинацияланғандар арасында 39% — ға төмендеді. Ал 14-16 жаста вакцинацияланғандарда жатыр мойны обырының даму қаупі 62% — ға, ал 16-18 жаста вакцинацияланғандарда 34% — ға төмендеген.

АПВ-ға қарсы вакцина, ең алдымен, әйелдердің репродуктивті (ұрпақты болу) денсаулығы мен өмірін қорғау үшін ойлап табылған. АПВ-ға қарсы вакциналар ұзақ мерзімді сынақтардан өткен

Жатыр мойны обырының себебі –  АПВ — адам папиллома вирусы. Бұл — адамның ауыз қуысы мен жыныс мүшелерінің тері жабындары мен шырышты қабықтарын зақымдайтын туыстас вирустардың 200-ден астам түрі. Көп жағдайда бұл инфекция 2-3 жылдан кейін өздігінен кетеді және көбінесе ешқандай симптомсыз адамға байқалмай өтеді. Кейбір жағдайларда, онкогендік АПВ түрлері денеде қалып қойса, бұл әртүрлі ағзаның қатерлі ісігіне әкеледі. Ең алдымен, жатыр мойны обырына әкеледі.

100% жағдайда жатыр мойны обырының туындауына онкогендік АПВ түрлері себеп болады (6, 16, 18, 31, 33, 45, 52 және 58 түрлері).

Қатерлі ісікке дейінгі зақымданулар мен жатыр мойнының қатерлі ісіктердің 70% жағдайда  адам папилломасы вирусының 2 түрі ((HPV): 16, 18) шақырады.

Қазақстанда әйелдер арасында онкологиялық аурулар статистикасы бойынша жатыр мойны обыры сүт безі обырынан кейін екінші орында тұр.

Жыл сайын Қазақстанда жаңа 1700-ге жуық жатыр мойны обыры ауруы және осы аурудан 600-ге жуық қайтыс болу жағдайы тіркеледі.

Жатыр мойны обыры ұзақ преинвазивтік кезеңде баяу және ерекше жергілікті өсумен ерекшеленеді, яғни ерте кезеңде тек тұрақты скринингтер арқылы ғана оны анықтауға болады. Қазақстанда мұндай скрининг ПАП-тест (Папаниколау әдісі бойынша жағындыны цитологиялық зерттеу) арқылы жүргізіледі, 30 жастан бастап барлық әйелдерге әр 4 жыл сайын ПАП-тестіден өту ұсынылады. Мұны тіркелген жері бойынша емханада жасауға болады. АПВ-ға қарсы екпе жасау жатыр мойны обырымен күресудің профилактикалық әдісі болу керек және сырқаттанушылық статистикасын азайту қажет.

Онкогендік АПВ түрлері себеп болатын аурулардың арасында ерлер мен әйелдердің жыныс мүшелерінің, тік ішектің, бастың және мойынның обыры да кездеседі.

Негізгі қауіп — АПВ-мен байланысты онкологиялық аурулардың көбіне кеш диагноз қойылатындығы, мысалы, ауыз-жұтқыншақ обырының шамамен 70%-на диагноз кеш қойылады.

 Скринингтік бағдарламалармен бірге АПВ-ға қарсы  екпесі елдердегі жатыр мойны обыры ауруын және жатыр мойны обырынан болатын өлімді айтарлықтай азайтуға көмектеседі.

Сондықтан, АПВ-ға қарсы  екпені қызыңызға жасатуға және уақытылы скрининг тексерілуге  шақырамыз.

    Сіз, ата ана ретінде,  балаңыздың денсаулығына жауапты екеніңізді ұмытпаңыз !

Қазақстан Республикасында менингококк инфекциясымен (бұдан әрі — МИ) сырқаттанушылықтың көп жылдық динамикасының деректері бойынша     төмендеу жылдары мен көтерілу жылдары ауысып отыратын циклдік сипатта болады.

Қазіргі уақытта республикада сырқаттанушылықтың өсуі байқалуда, 2024 жылдың 10 айында өткен жылмен салыстырғанда МИ жағдайларының тіркелуі 2,16 еседен асады. Биылғы жылы, менингококк инфекция диагнозы дәлелделген  70 жағдайы тіркеліп, көрсеткіші-0,35 болды (2023 ж – 41 жағдай, көрсеткіш – 0,2).

Өткен жылмен салыстырғанда жас құрылымын талдау кезінде аурудың анағұрлым кіші жас топтарына ауысқаны байқалады. Мәселен, егер 2023 жылы көбіне жасөспірімдер ауырса (үлес салмағы 36,6%, 15 жағ.), содан кейін 2024 жылдың 10 айында науқастардың негізгі үлесі 1-4 жас аралығындағы балалар — 25 жағ. (35,7%).

Тиісінше, кәсіби құрамы бойынша ұйымдастырылмаған балалардың үлесі басым — 40% (28 жағ.), оқушылар арасында -18,6% (13 жағ.), ұйымдасқан балалар арасында -17% (12 жағ.).

Бұл факт өлім-жітімнің жас ерекшелігімен расталады. 2024 жылдың өткен кезеңінде Қазақстан Республикасында 14 жасқа дейінгі балалар арасында (1,5 ай, 1 жыл, 2 жыл, 5 жыл, 12 жыл) өліммен аяқталған 5 жағдай тіркелді. Өлім жағдайларын талдау кезінде анықталғаны, науқастар кеш медициналық көмекке жүгініп, ауруханаға ауыр түрде келіп түскен.

Жамбыл облысы бойынша  МИ жағдайлары тіркелуі және сырқаттанушылықтың  өсуіде  байқалуда, өлім жағдайы тіркелген жоқ.

2024 жылдың 10 айында өткен жылмен салыстырғанда менингококк инфекциясының    Жамбыл ауданында  1 жағдайы 14 жасқа дейінгі балалар арасында  тіркелді (2023 ж – 1 жағдай, көрсеткіш – 0,08);

ірінді менингитінің  4 жағдайы/0,33 — 14 жасқа дейінгі балалар арасында  Сарысу ( 2 ж.), Жамбыл (1 ж.) , Жуалы (1 ж.) аудандарында тіркелді (2023 ж – 3 жағдай, көрсеткіш – 0,25);

сероздық менингитінің  Тараз қаласында  1 жағдайы 14 жасқа дейінгі балалар арасында  тіркелді (2023 ж – 1 жағдай, көрсеткіш – 0,08).

МИ-ның асқынған жағдайларының тіркелуіне жол бермеу, сондай-ақ эпидемияға қарсы уақтылы шаралар қабылдау мақсатында облыстағы  медицина мекемелерінде алдын ала іс шаралар атқарылуда,ол :

— Жедел жәрдем станциясының, амбулаториялық-емханалық қызметінің медицина қызметкерлерін, стационарлардың қабылдау бөлмесінің дәрігерлерін, анестезиолог-реаниматолог (ересектер, балалар) дәрігерлерді, сондай-ақ мектепке дейінгі білім беру ұйымдарындаңы медицина қызметкерлерін МИ дифференциалды диагностикасының ерекшеліктеріне, қазіргі жағдайдағы МИ ағымына, ағымның ауырлығына оқыту жұмыстары;

— назофарингит, ЖРВИ және тұмау белгілері бар науқастар жүгінген кезде амбулаториялық қабылдау кезінде медицина қызметкерлерінің сақтығын күшейтуі;

— тұрғындармен, жас аналармен МИ-на қатысты сақтық шаралары туралы, жедел медициналық көмекке жүгіну қажеттілігі туралы түсіндіру жұмыстарын күшейтуі;

— менингококк инфекциясына күдікті науқастарға медициналық көмек көрсету бойынша ЖМКҚ бригадаларын дәрілік препараттармен жарақтандыруды қамтамасыз етуі;

— менингококк инфекциясына күдікті пациенттерді зертханалық тексеруі.

Менингит — бұл жұқпалы ауру, ми мен жұлын қабығының қабынуы.

Менингиттің негізгі түрлері: серозды және іріңді. Олар аурудың ауырлығы мен салдары бойынша өте ерекшеленеді.

Аурудың инкубациялық кезеңі 2-ден 10 күнге дейін.

Менингиттің қоздырғыштары вирустық, бактериялық және саңырауқұлақ инфекциялары болып табылады.

Белгілері: Менингит белгілері тез дамиды және оларды анықтау оңай: температураның 40 градусқа дейін көтерілуі, бұлшықеттер мен буындардың ауыруы, жалпы әлсіздік, бас ауруы, жүрек айнуы мен қатты құсу пайда болады («субұрқақ тәрізді»). Науқас қатты дыбыстардан және жарқын жарықтан зардап шегеді, басын кеудеге қарай еңкейтіп, аяқтарын тізеден жазған кезде қатты ауырсынуды сезінеді. Өз жағдайын жеңілдету үшін науқас бүйіріне жатып, басын қатты артқа шалқайтып, қолдарын кеудесіне қысады, ал аяқтарын тізесіне бүгіп, ішіне қарай қысады. Көбінесе денеде бөртпе пайда болады. Суық тию сияқты мұрын бітуі және тамақ ауруы, өкпенің қабынуы, асқазан-ішек жолдарының бұзылуы, сілекей бездерінің жұмысы бұзылуы болуы мүмкін.

Балалардағы менингит белгілері ересек адаммен бірдей, бірақ қосымша белгілер болуы мүмкін: диарея және тамақты қайта құсу, ұйқышылдық, апатия және әлсіздік, үнемі жылау және тәбеттің төмендеуі, үлкен еңбек аймағындағы ісік.

Уақытылы көмек көрсетілмесе, адам комаға түсіп, өлуі мүмкін. Сондықтан, науқасқа медициналық көмекке шұғыл түрде жүгіну қажет! Науқас инфекциялық ауруханаға оқшаланып жеке бокскқа жатқызылады

                       Менингиттің алдын алу шаралары:

Екпе алу; жеке гигиенаны сақтау; менингитпен ауыратын адамдармен қарым-қатынасты болдырмау; тұмау эпидемиясы және басқа жұқпалы аурулар кезінде бір реттік медициналық маска кию; тамақ ішер алдында, көлік пен қоғамдық орындардан кейін қолыңызды жуу; шикі су ішпеу; иммунитетті нығайту.

Қазақстан Республикасы Денсаулық сақтау министрінің 2020 жылғы 11 тамыздағы ҚР ДСМ-96/2020 «Денсаулық сақтау объектілеріне қойылатын санитариялық-эпидемиологиялық талаптар» санитариялық қағидаларын бекіту туралы бұйрығы және «Медициналық көмек көрсетумен байланысты инфекциялардың алдын алу жөніндегі санитариялық-эпидемияға қарсы, санитариялық-профилактикалық іс-шараларды ұйымдастыруға және жүргізуге қойылатын санитариялық-эпидемиологиялық талаптар» санитариялық қағидаларын бекіту туралы Қазақстан Республикасы Денсаулық сақтау министрінің 2022 жылғы 2 желтоқсандағы ҚР ДСМ-151 бұйрықтары негізінде, Жамбыл облыстық жұқпалы аурулар ауруханасында орта және кіші буын медицина қызметкерлері арасында қол жуу алгоритмі, санитарлық дезинфекциялау режимі және аурухана ішілік инфекциясының алдын алу жөнінде аттестация жүргізілді. Аттестация жүргізуге төмендегі қызметкер жауапты болып тағайындалды:
1. Нургабылова С.К. — бас дәрігердің медициналық жұмыстары жөніндегі орынбасары;
2. Шымырбаев Т.Ж. — бас дәрігердің медициналық қызмет сапасын бақылау және стратегиялық даму жөніндегі орынбасары;
3. Кеңесбаев Б.А. — эпидемиолог-дәрігер;
4. Молдахметова Г.Н. — бас медбике;
5. Орманалиева Ш.М. — инфекциялық бақылау медбикесі.

25 қазан «Республика күні» ұлттық мерекесіне орай, облыстық жұқпалы аурулар ауруханасының мәжіліс залында мерекелік жиын өтті. Мерекелік жиын Қазақстан Республикасының Әнұранымен басталды. Жиын кезінде аурухананың бас дәрігері Е.А.Сауранбаев барша қызметкерлерді мерекемен құттықтап, ізгі тілегін жеткізді. Республика күніне орай, медицина саласын дамыту мен жетілдіруге қосқан елеулі жеке үлестері және қоғамдық өміріне белсене қатысқандары үшін аурухананың бас дәрігері Е.А.Сауранбаевтың «Құрмет грамотасымен» және бастауыш кәсіподақ ұйымының төрайымы С.У.Трушеваның сыйлықтарымен аурухананың қызметкерлері: Толбаева Д.Н., Танниязова Н.К., Савельева Я.Р., Бапахова А.К., Амиргалиева Г.Н., Бекбосынова А.Ж., Кожагулова Ж.А., Таттибаева Г.Б., Мурсалова Н.Н., Казымова А.К. марапатталды.
Жамбыл облыстық мәслихаттың төрағасы А.Нұралиевтың «Құрмет грамотасымен» Шымырбаев Т.Ж. марапатталды. Облыс әкімі Е.Ш.Қарашөкеевтің «Құрмет грамотасымен» Керимбекова Э.Ж. марапатталды.
Республика күніне орай, денсаулық сақтау саласындағы жемісті еңбегі мен еліміздің денсаулық сақтау жүйесін дамытуға қосқан үлесі үшін ҚР Денсаулық сақтау министрі А.Әлназарованың «Алғыс хатымен» Сәрсенбаева Б.Т. және Кононенко Д.О. марапатталды.  Облыстық денсаулық сақтау басқармасының басшысы Ж.М.Оспанованың «Алғыс хатымен» Бурибасов Ж.А. марапатталды.

Жамбыл облысының Төтенше жағдайлар департаменті және облыс әкімі Е.Қарашөкеевпен бекітілген «Жамбыл облысы аумағында «Жер –2024» Республикалық командалық-штабтық оқу-жаттығуын өткізуге дайындық және өткізу іс-шаралар жоспарына» сәйкес, 2024 жылдың 18 қазанында сағат 11.00-де Жамбыл облыстық жұқпалы аурулар ауруханасында сейсмикалық оқу-жаттығу өткізілді.